。麟語錄。

年半前視學校為戰場既我實在太天真…
係學校, 頂多係趕PROJECY係考試前死溫爛溫…有種既人類仲可以視一切為無物
因為到最後你都一定會合格,基本上所做一切都係對自己負責任
不過係公司…與其說係一個"戰場"…不如話係一個"修羅場"!!!


一個提升你EQ忍耐力意志力思考力纏繞力(?)既修羅場
做到心灰做到個頭出煙做到神智不清做到突然係度唱歌自己都唔知…仲以為自己被鬼上身
嗚…工作…到底係咪到我離職既最後一秒都未做完?!(飲泣地反問



先交代背景:
本來呢我係一個Product engineer, 專門將一件產品分析然後估計價錢
唔知點解地會身兼marketing research & meeting 主持人
近日更唔知點解地俾老闆點去左做埋sales!!!
即係咁,我都知學多幾樣對我絕對有好處, 我都好樂意去學唔同職位既工作
不過我手就得一對,腦就得一個,時間就得24小時
你叫我做product manager同sales manager野?!冇人工加不但止福利仲越黎越差!
冇野呀嘛!?(激動鳥)


同大家分享吓我所遇到的case~
CASE#01 無拿拿俾人推左上神枱
話說我俾老闆老點欽點去做SALES後一星期,立即就要做隨從陪老闆&SALES MANAGER同我既天敵鬼佬客開會
可幸地…有個SALES MANAGER做我背後軍師
不幸地…呢個軍師佢真係唔聲唔聲推左我上神枱!!!
想當日面對住4個鬼佬…佢突然面帶微笑話我會PRESENT整個MEETING時,我真係當場嚇到嘔靈魂…

What??!呢個PRESENTATION唔係話由你黎講既咩!!!?你要我講既早半個鐘同我講都等我有心理準備先嘛…玩即興咁激?!!!!
當時硬住頭皮,用不加思考既英文厚住臉皮熬過整個MEETING…
回想起黎…我都唔知果4個鬼佬到底聽唔聽得明我講咩………(遠目


CASE#2 忍辱負重地賣身
呢個又係一個謎
老闆個仔百日宴唔知點解又會關左我地事!!?
搞百日宴咪算囉仲要crossover咩萬聖節party啫!!!
時時話公司見紅又出公數搞party自娛!!!
你自娛時仲要我地放工去幫手接客!!!
Party前3日聽到秘書姐姐同個近50歲(未婚)既sales manager講"老闆話係萬聖節party(咁百日宴呢?百日宴已經變左次要),叫你扮Hello kitty去喎"時我真係笑左出黎…
到當日去到會場老闆準備埋道具叫我扮小精靈接客果一刻…

我信有"風水輪流轉"呢句說話勒…
最後呢~每位同事仲要人人夾左90大元送份禮物俾太子仔百日宴快樂我真係頂佢個lung!
出錢出力我有份~yeah!(自暴自棄小精靈mode)


CASE#3 EQ速成班
當你跟神州同胞工作時,必需有無~~~~~~~限忍耐力同耐心&EQ
故事就發生係一個一年一次既road map meeting之後, 老闆要參與者填寫一份6頁的英文問卷回應meeting成效(for佢做功課用)
老闆叫我大佬收集, 大佬就叫我收集.
係公司生存左一年半,"纏繞力"係其中一項我學會既技力
請看以下電郵:
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
呢個"溫馨小提示"其實一d都唔溫馨
因為我係每日發2次…之後每日都會打電話"關心"未交問卷既同事
好~重點黎勒~
就係我追左幾日之後收到一個由神州同胞發既既電郵, 如下:
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
睇完真係"啤"一聲
6頁密麻麻英文我睇到都頭痛…釣住魚咁填都填左成15分鐘
你依家仲要我譯中文版俾你?!
我都想有中文版本囉老友!!!!!!(Angry bird)

你遲交n世仲要求多多, 仲要cc埋俾全世界!!!
深呼吸~冷靜~EQ come on~
用一個包容既心去回應~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
你唔識英文既,我推薦網上翻譯俾你
怕你一個唔夠用,俾夠兩個你!
連link都搵埋,只要按入去~就ok啦~(笑容免費)


面對種種一切既我於近日突然覺悟一切(頭上有光環)
如果各位同我一樣面對相同境況時,不妨懷住"你老闆丫~睇我唔順超咪兜左我囉(附加中指)!"既心,做任何事都會快捷暢順好多~
而遇到好老闆好公司既朋友…一剎那光輝唔代表永恆!我酸你地!!!你地要好好珍惜現時所擁有一切呀~

其實…我真正生日老早已經過左一個月有多!!!(真相)
不過開心事總想分享~
所以事隔一個多月都打日記

今年盧某1X對生日
多謝各位的禮物及祝福
今年算係咁多年黎收得最多禮物一年
- 馬仔既鄧梓峰巴斯光年小公仔+HAND MADE BATA公仔+包起我一日
- 釘釘既鄧梓峰巴斯光年大公仔
- 蕃茄既手錶
- 小而既樣衰衰豆乾公仔
- 大K既介指
- E姐既草泥馬公仔
- 自由仔既BATA MOUSE
- 妖子既發泡膠+台灣手信
- 女人既COS衫
- 小受既腰BAG
- 肥子既鄧梓峰巴斯光年槍
- DOLLS全團既蛋糕及驚喜
仲有各位既FB+SMS祝福

幾驚會有人送肉/蒲/團VCD…係送都請送金/瓶/梅VCD!!!
金/瓶/梅簡直係集娛樂+藝術於一身既偉大電影!!!
送俾有氣質藝術人士既不二之選~








雖然對其他人黎講係好少既禮物
不過對我而言, 每份禮物都係各位既心意!
要各位破費~謝謝!
其實記得我生日,講句生日快樂都已經好開心~


再次講句,
多謝各位~(鞠

由4月想打此日記拖到依家先黎打
嫁出去既女由4月時既2個增加至依家既4個
首先我要聲明, 所謂嫁出去既女係指我身邊既好朋友
我仲未到膝下有女年齡而且唔會周圍認人做女, 何況養一個細路好昂貴…
貧窮既我家中已經有兩老兩小(龍貓)等我慢慢養
見到身邊好友都搵到一個好的另一半時…心情就好似母親嫁女一樣老懷安慰!(証明我已經老勒~)

首先, 我要以DR. LOU身份同大家講句…
"肉/蒲/團係一套好出色既港產三級片!"(鐘SIR鐘景輝MODE)
我講既係以前既肉/蒲/團, 係90年代既肉/蒲/團, 係2D既肉/蒲/團, 係我第一套睇3級片既肉/蒲/團!
想當年…我仲係天真無邪既中二時…某日係屋企搵吓搵吓…俾我搵到我舅父隻肉/蒲/團!(當時佢係我家暫住)
係一個無人既中午, 我懷著好奇既心將隻肉/蒲/團VCD放入VCD機中
在我按PLAY同時…我另一道大門亦都OPEN左!!!
回想起黎…肉/蒲/團應該係我黃色大道既啟蒙老師~
不論故事演繹演員埸景同花式(?)都令我眼界大開!
就算至今都未有日本AV俾到呢種震撼力我!!!(聲明:我有睇AV不過都係當笑片睇, 絕不是因為有需要!)


呢套自稱做肉/蒲/團既片…我只有2點想講…

1.)我咁大個都係第一次睇咸片睇到用手遮住對眼黎睇!!!
並唔係因為怕羞羞辱…(呢兩樣野我早係中二時就掉左去馬桶沖走左)
而真係好-血-腥-!!!
切J轆J都因為本人冇J所以完全0%身同感受
不過坐木馬插鐵蓮真係…睇到我飲到去喉嚨既水都噴返出黎!
而且所謂3D全部都係血,肉,人頭等等
好彩我冇花錢入戲院睇…如果唔係我一定用副3D眼鏡掟爆個幕!!!

2.)點解要打馬賽格?!
呢點我堅憤怒!!!
三級片大可拍到見唔到要打馬賽格位置!!!
就好似金/瓶/梅, 完全冇馬賽格!感覺自己係睇緊高級藝術笑片咁~
一打左馬賽格…就立即降哂呢!!!
明知馬賽格後果堆野係咩不過又睇唔清既感覺真係好討厭!

最後…

(為保護女生們所以打了馬賽格)
真係減壽十年都抵!!!

估唔到事隔3個季節後第一篇復出日記竟然係打哈/佬/喂!!!
其實有好多野都想打啦…不過洩左道真氣就四肢乏力…精神不能集中…(之後就會去左睇動畫/會周公子)
難得依家仲有DDDDDDD印象時, 快快手手打左佢!

我日日係公司上網搵都搵唔到(冇錯我係公司上網搵工!呢個行為真係十分刺激)
就係我忙到甩轆冇搵到工既某一星期佢先黎招鬼!
要多謝而熱心地通知, 如果真係MISS左時真係咬手巾仔.

當日完全抱住"就算唔買,都要試食到夠皮"既師奶心態去面試.

我個人主張"機會有時係要自己爭取"
就算面試唔成功,知道佢面試內容都係一個經驗.

當日巧遇倩ME~
其實知佢下午去既…不過唔知會踫到咁應仲要同一組面試啫
坐係大廳等面試途中,見到好多擬似德州殺人電鋸既大隻佬入房面試…
之後房中不時傳出獸叫時已經覺得唔對路…
等左成粒鐘終於8個人一組入到去…見到令我最想獸叫既物體…

"點…點解會有隻鬼(仲要係肥老鬼)坐左係度??!!!!!!!!!!!"
(LoU子小知識:LoU子的天敵是英文喔~見到鬼佬會出冷汗起雞皮全身打震…)
係公司已經日對夜對英文…係逃無可逃時先同公司隻鬼佬溝通…
如果俾我揀我真係寧可跪玻璃都唔想同英文扯上關係…
但點解係星期日都仲要俾我見到鬼?!?!!!!依家連鬼都唔放過我?!!!!??


好彩聽到坐係隻鬼旁邊有位姐姐做中文翻譯時, 完全感受到沙漠中搵到水源既喜悅!
面試分三部份進行(好認真…我大學面試都係好hea地in左15分鐘)
第一部份叫我地一組人扮動物, 鬼佬叫咩我地扮咩
monkey呀lion呀dinosaur呀都識聽…
一叫到去mosquito時成班企哂係度!
"呢個字好熟好似係解"蚊"…不過唔係解"蚊"時我又扮左咪好燶皮?!??"
環觀四周…結果冇人扮到囉!!!
內心立即有一絲絲安慰~(錯哂)


第二部份就係扮住鬼咁行CATWAKE兼講對白
好~問題黎勒
Q:面前係兩個香港人同一隻鬼佬, 咁應該講中文定英文好?
A:兩種語言都講!!!
冇錯…最後中英文都講哂…因為我真係好怕隻鬼佬唔知我扮緊咩鬼!
扮鬼設定 :一隻俾人挖左心既鬼
對白: 我個心…我個心去左邊呀!!!係咪你!!!係咪你拎左我個心!!!!(中文)WHERE IS MY HEART!!!!?(英文)

講完我見到隻鬼佬嘴角向上戚地恥笑緊我…



第三部份有對手戲, 對住半邊身既假人扮變態殺手
叫我扮變態…真係…真係…真係有挑戰性我LIKE!!!
回應之前主題~今次扮個挖人心既變態殺手(首尾呼應)
面試完第二部份知道鬼佬既要求係大叫之後…全程大叫交戲…一句英文都冇講過!
早知唔洗講英文既…我就連果句"WHERE IS MY HEART"都慳返啦!!!


最後,做左被選中既細路去度身,雖然唔一定入到不過都係一件開心事
至少証明自己有心做既事都會做到~(工作上實在太灰所以要搵認同感)
而且又可以多件事用黎吹水俾大家笑吓!(已睇化,已經再無力澄清我個BLOG唔係笑話大全)
講到底, 我都係向往"為大家尋快樂"既方向出發!

總結一句: 我好偉大