。麟語錄。

我唔明!!!
雖然都知淚墨係會領便當…不過冇諗過火速到PIZZA HAT火速外賣都自愧不如既地步囉!!!(血淚)
明明個便當未都熟…就要人硬食!!!!!!!!!
明明金魚眼叔叔都耍左一集半先死啦!!!!!
就算係偏心…都唔洗偏到去格肋底下面架!!(中指)

呼呼…為左中和悲傷情緒, 腐之心眼[ON]/OFF!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

因為呢段對話…令我發現…(自行按圖放大睇字幕)

原來係有隱喻架架架架架!!!!!!(開心大發現)
淚墨果然係受黎~對SABER講句說話都係度誘受1200%~~~~


我唔敢放上FB同微博因為怕俾忠派FANS小我…不過我又不吐不快!!
所以不喜請左上角按叉叉離開~

好多爆笑野我都想打日記同大家分享架不過就係對手時時唔聽洗咋!

史無前例地快UP相…當然有原因


-以下係2月26日下午3時02分時既我-

"媽~~~好很凍呀!!!!!!!!!!!"

好難我唔會有咁表情…
果時得14度!!!!!!!!(油塘比正常低1~2度!!!!)
幫我地影果位著住毛毛褸都叫凍!!!
如果放大張相應該會見到皮膚起哂雞皮…

因此!!!
死都要一星期內UP左佢!!!
我要話俾世人知我地係天寒地凍下出背心既白痴勇者!!!

感謝婷婷豬做攝=3=
相靚係我另一個想快UP相既原因~開心SHARE嘛

年半前視學校為戰場既我實在太天真…
係學校, 頂多係趕PROJECY係考試前死溫爛溫…有種既人類仲可以視一切為無物
因為到最後你都一定會合格,基本上所做一切都係對自己負責任
不過係公司…與其說係一個"戰場"…不如話係一個"修羅場"!!!


一個提升你EQ忍耐力意志力思考力纏繞力(?)既修羅場
做到心灰做到個頭出煙做到神智不清做到突然係度唱歌自己都唔知…仲以為自己被鬼上身
嗚…工作…到底係咪到我離職既最後一秒都未做完?!(飲泣地反問



先交代背景:
本來呢我係一個Product engineer, 專門將一件產品分析然後估計價錢
唔知點解地會身兼marketing research & meeting 主持人
近日更唔知點解地俾老闆點去左做埋sales!!!
即係咁,我都知學多幾樣對我絕對有好處, 我都好樂意去學唔同職位既工作
不過我手就得一對,腦就得一個,時間就得24小時
你叫我做product manager同sales manager野?!冇人工加不但止福利仲越黎越差!
冇野呀嘛!?(激動鳥)


同大家分享吓我所遇到的case~
CASE#01 無拿拿俾人推左上神枱
話說我俾老闆老點欽點去做SALES後一星期,立即就要做隨從陪老闆&SALES MANAGER同我既天敵鬼佬客開會
可幸地…有個SALES MANAGER做我背後軍師
不幸地…呢個軍師佢真係唔聲唔聲推左我上神枱!!!
想當日面對住4個鬼佬…佢突然面帶微笑話我會PRESENT整個MEETING時,我真係當場嚇到嘔靈魂…

What??!呢個PRESENTATION唔係話由你黎講既咩!!!?你要我講既早半個鐘同我講都等我有心理準備先嘛…玩即興咁激?!!!!
當時硬住頭皮,用不加思考既英文厚住臉皮熬過整個MEETING…
回想起黎…我都唔知果4個鬼佬到底聽唔聽得明我講咩………(遠目


CASE#2 忍辱負重地賣身
呢個又係一個謎
老闆個仔百日宴唔知點解又會關左我地事!!?
搞百日宴咪算囉仲要crossover咩萬聖節party啫!!!
時時話公司見紅又出公數搞party自娛!!!
你自娛時仲要我地放工去幫手接客!!!
Party前3日聽到秘書姐姐同個近50歲(未婚)既sales manager講"老闆話係萬聖節party(咁百日宴呢?百日宴已經變左次要),叫你扮Hello kitty去喎"時我真係笑左出黎…
到當日去到會場老闆準備埋道具叫我扮小精靈接客果一刻…

我信有"風水輪流轉"呢句說話勒…
最後呢~每位同事仲要人人夾左90大元送份禮物俾太子仔百日宴快樂我真係頂佢個lung!
出錢出力我有份~yeah!(自暴自棄小精靈mode)


CASE#3 EQ速成班
當你跟神州同胞工作時,必需有無~~~~~~~限忍耐力同耐心&EQ
故事就發生係一個一年一次既road map meeting之後, 老闆要參與者填寫一份6頁的英文問卷回應meeting成效(for佢做功課用)
老闆叫我大佬收集, 大佬就叫我收集.
係公司生存左一年半,"纏繞力"係其中一項我學會既技力
請看以下電郵:
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
呢個"溫馨小提示"其實一d都唔溫馨
因為我係每日發2次…之後每日都會打電話"關心"未交問卷既同事
好~重點黎勒~
就係我追左幾日之後收到一個由神州同胞發既既電郵, 如下:
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
睇完真係"啤"一聲
6頁密麻麻英文我睇到都頭痛…釣住魚咁填都填左成15分鐘
你依家仲要我譯中文版俾你?!
我都想有中文版本囉老友!!!!!!(Angry bird)

你遲交n世仲要求多多, 仲要cc埋俾全世界!!!
深呼吸~冷靜~EQ come on~
用一個包容既心去回應~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
你唔識英文既,我推薦網上翻譯俾你
怕你一個唔夠用,俾夠兩個你!
連link都搵埋,只要按入去~就ok啦~(笑容免費)


面對種種一切既我於近日突然覺悟一切(頭上有光環)
如果各位同我一樣面對相同境況時,不妨懷住"你老闆丫~睇我唔順超咪兜左我囉(附加中指)!"既心,做任何事都會快捷暢順好多~
而遇到好老闆好公司既朋友…一剎那光輝唔代表永恆!我酸你地!!!你地要好好珍惜現時所擁有一切呀~

其實…我真正生日老早已經過左一個月有多!!!(真相)
不過開心事總想分享~
所以事隔一個多月都打日記

今年盧某1X對生日
多謝各位的禮物及祝福
今年算係咁多年黎收得最多禮物一年
- 馬仔既鄧梓峰巴斯光年小公仔+HAND MADE BATA公仔+包起我一日
- 釘釘既鄧梓峰巴斯光年大公仔
- 蕃茄既手錶
- 小而既樣衰衰豆乾公仔
- 大K既介指
- E姐既草泥馬公仔
- 自由仔既BATA MOUSE
- 妖子既發泡膠+台灣手信
- 女人既COS衫
- 小受既腰BAG
- 肥子既鄧梓峰巴斯光年槍
- DOLLS全團既蛋糕及驚喜
仲有各位既FB+SMS祝福

幾驚會有人送肉/蒲/團VCD…係送都請送金/瓶/梅VCD!!!
金/瓶/梅簡直係集娛樂+藝術於一身既偉大電影!!!
送俾有氣質藝術人士既不二之選~








雖然對其他人黎講係好少既禮物
不過對我而言, 每份禮物都係各位既心意!
要各位破費~謝謝!
其實記得我生日,講句生日快樂都已經好開心~


再次講句,
多謝各位~(鞠

由4月想打此日記拖到依家先黎打
嫁出去既女由4月時既2個增加至依家既4個
首先我要聲明, 所謂嫁出去既女係指我身邊既好朋友
我仲未到膝下有女年齡而且唔會周圍認人做女, 何況養一個細路好昂貴…
貧窮既我家中已經有兩老兩小(龍貓)等我慢慢養
見到身邊好友都搵到一個好的另一半時…心情就好似母親嫁女一樣老懷安慰!(証明我已經老勒~)