。麟語錄。

媽咪呀係赤飯本尊呀呀呀!!!!
比我想像中更女仔而且超靚女~
同PICO好有夫妻相!!!(玲玲MODE)
女僕LOOK真係好誘人好引人(我)犯罪好秀色可餐好令人(我)想食左佢!
我真係邊睇邊噴鼻血!!!
麻煩搵人輸血俾我…我係文靜A型血~


好想去日本俾赤飯老師教英文~
我一定會好努力望實佢個樣…唔係…係黑板上堂架!!!

本來AGS係打算一日都唔去留係屋企怒睏
不過女人單拖出WIM…我聽到時真係忍唔住眼泛淚光(對唔住我太感性)
自己一個人出WORLD IS MINE真係會變左世界得佢一個人囉!!!
反正都冇野出所以決定清女人第一個坑我既COS - 女殺手暗殺MISSION(大誤)

件衫係出前兩日先去買布
以我(&我媽)LV基本上呢個係一個不可能任務
最後見我有影到相都知世上沒有不可能…既
肩章係一個明顯既失敗
係我懶之過…搞到肩頭多左兩塊金色反光板

用手遮住仲可以反到我塊面出現金三角…
已經唔係普通既反光,係超反光!!!
係陽光之下我應該會照盲唔少途人(包括我自己)
用BANNER膠紙做咩!!!乖乖地包皮咪好囉!!!
老師我下次唔敢~


多謝女人的聖誕禮物~

雖然係冇咩用
雖然條金蕉好唔似我(我比佢好樣好多冇咁串77先!!!)
雖然磚白紙我收到時真係想一張張飛返去你度
不過有聖誕禮物收時真係驚喜~多謝!
另多謝你幫我車褲~(輕輕一句帶過)


最後我想話
今次出cos其實我只係換左件衫感受左ags氣氛就走人
第一次影得80張相都冇!!!
拍掌鼓勵~~~~~(國語mode)

"有淘寶,冇煩惱"

呢幾個月我完全明白這道理!
上至電結他攝影棚下至白果腐竹都有得買(可能有人體內臟不過我未搵到)
依家有個淘點過數真係好easy~
令我最為滿足就係由我一個毒哂學校成班齊齊淘寶!!![長鼻子]


前排淘寶有個咩咩抽獎
我抽中左辣味牛肉…係好可疑既辣味牛肉!!!
我到底要唔要佢好!?
真係要左我都只係用黎送俾仇人食~

今日你淘左未呀~!?

唔洗懷疑~男女聲都係赤飯同ピコ唱~
兩個都係(受)男黎啦~
赤飯跟ピコ超可愛!!!
分明係夫婦黎~兩周年時會齊齊整蛋糕食真係閃盲我!
赤飯性格已經電中我!
ピコ女聲超好聽個性超傲嬌外表超女仔!!!
雖然ひと里Xche櫻井都可以女生唱男聲(而且合我本性係GL)
不過我少有支援呢對BL小夫婦~


聽赤飯唱歌已經知佢係個超嘈超愛玩既大男孩~(成首歌佢一人唱哂)




多謝「Smiling」令我知道赤飯×ピコ存在~
但點解冇みーむ…佢都好好聽架架架!!!!!

好啦~
係香港自稱歌手但唱到走哂音果D人類麻煩自行收皮~

次次考試都係咁…
雖然今次考兩科仲要有一科係open book
不過驚嚇程度真係十二粒星!!!(十粒星滿分)


ISE418 COMPUTER-AIDED PRODUCT DESIGN
其實都係計數野~
計多幾次真係冇咩問題
比叫我記英文好成條青山公路先!!!(DR LOU小知識:青山公路係全港最長街道)
不過驚嚇既地方在於…我睇錯考試時間啊啊啊!!!

考9:30…我睇錯Schedule上一行既make up class時間既10:30…
好彩上天冇完全放棄我
俾我8:30起到身(原本係想6:00起身溫書)
悠閑地洗個臉掃個牙…
仲非常貼心地幫自己係雪櫃拎盒奶出黎,等冇咁凍時邊食法國麵包邊溫書邊飲…
突然屎忽痕睇多次考試時間就知-死-勒!!!![背景:打雷]
唔好講笑我真係當場嚇到五臟六腑都嘔左出黎囉!!!
好彩上天冇完全放棄我 x2
俾我遲左1分鐘咁大把~
只係跑到有部份記憶跑走埋啫…


ISE309 MECHATRONICS FOR PRODUCTS
雖然話係open book
不過我真係同冇學過冇分別!!!
好啦神我要懺悔~[跪]
我上堂時唔應該係度玩商業大亨
唔應該係度食野
唔應該係度玩H game
唔應該係度搵open rice有咩好野食
只係呢科被稱為"溫足一個月都唔會識"既必死科
但願個個都考得好低分~冇一個會高分~
咁就可以拉個平均分令我飛過就阿彌陀佛~[合十]


罪証

好味~
係泰國椰汁榚黎~XDD